<< Click to Display Table of Contents >> Navigation:  SN 35-44 The Group of Connected Discourses Beginning With the Six Sense Fields – Saḷāyatanavaggasaṁyutta > SN 38 Connected Discourses with Jambukhādaka – Jambukhādakasaṁyutta > SN 38.14 A Question About Suffering – Dukkhapañhāsutta

Linked Discourses 38.14 – Saṁyutta Nikāya 38.14

1. With Jambukhādaka – 1. Jambukhādakavagga

SN 38.14 A Question About Suffering – Dukkhapañhāsutta

 

“Reverend Sāriputta, they speak of this thing called ‘suffering’.

“‘Dukkhaṁ, dukkhan’ti, āvuso sāriputta, vuccati.

What is suffering?”

Katamaṁ nu kho, āvuso, dukkhan”ti?

“Reverend, there are these three forms of suffering.

“Tisso imā, āvuso, dukkhatā.

The suffering inherent in painful feeling; the suffering inherent in conditions; and the suffering inherent in perishing.

Dukkhadukkhatā, saṅkhāradukkhatā, vipariṇāmadukkhatā—

These are the three forms of suffering.”

imā kho, āvuso, tisso dukkhatā”ti.

“But, reverend, is there a path and a practice for completely understanding these three forms of suffering?”

“Atthi panāvuso maggo atthi paṭipadā, etāsaṁ dukkhatānaṁ pariññāyā”ti?

“There is.” …

“Atthi kho, āvuso, maggo atthi paṭipadā, etāsaṁ dukkhatānaṁ pariññāyā”ti.

 

“Katamo panāvuso, maggo katamā paṭipadā, etāsaṁ dukkhatānaṁ pariññāyā”ti?

 

“Ayameva kho, āvuso, ariyo aṭṭhaṅgiko maggo, etāsaṁ dukkhatānaṁ pariññāya, seyyathidaṁ—

 

sammādiṭṭhi …pe… sammāsamādhi.

 

Ayaṁ kho, āvuso, maggo ayaṁ paṭipadā, etāsaṁ dukkhatānaṁ pariññāyā”ti.

 

“Bhaddako, āvuso, maggo bhaddikā paṭipadā, etāsaṁ dukkhatānaṁ pariññāya.

 

Alañca panāvuso sāriputta, appamādāyā”ti.