|
<< Click to Display Table of Contents >> Navigation: AN 5 The Book of the Fives – Pañcakanipāta > AN 5.206 Shackles – Vinibandhasutta |
Numbered Discourses 5.206 – Aṅguttara Nikāya 5.206
21. With Kimbila – 21. Kimilavagga
AN 5.206 Shackles – Vinibandhasutta
1.1
“Bhikkhū, there are these five emotional shackles.
“Pañcime, bhikkhave, cetasovinibandhā.
1.2
What five?
Katame pañca?
1.3
Firstly, a bhikkhu isn’t free of greed, desire, fondness, thirst, passion, and craving for sensual pleasures.
Idha, bhikkhave, bhikkhu kāmesu avītarāgo hoti avigatacchando avigatapemo avigatapipāso avigatapariḷāho avigatataṇho.
1.4
This being so, their mind doesn’t incline toward keenness, commitment, persistence, and striving.
Yo so, bhikkhave, bhikkhu kāmesu avītarāgo hoti avigatacchando avigatapemo avigatapipāso avigatapariḷāho avigatataṇho, tassa cittaṁ na namati ātappāya anuyogāya sātaccāya padhānāya.
1.5
This is the first emotional shackle.
Yassa cittaṁ na namati ātappāya anuyogāya sātaccāya padhānāya, ayaṁ paṭhamo cetasovinibandho.
2.1
Furthermore, a bhikkhu isn’t free of greed for the body …
Puna caparaṁ, bhikkhave, bhikkhu kāye avītarāgo hoti …pe…
2.2
They’re not free of greed for form …
rūpe avītarāgo hoti …pe…
2.3
They eat as much as they like until their belly is full, then indulge in the pleasures of sleeping, lying down, and drowsing …
yāvadatthaṁ udarāvadehakaṁ bhuñjitvā seyyasukhaṁ passasukhaṁ middhasukhaṁ anuyutto viharati …pe…
2.4
They lead the spiritual life hoping to be reborn in one of the orders of gods, thinking: ‘By this precept or observance or mortification or spiritual life, may I become one of the gods!’
aññataraṁ devanikāyaṁ paṇidhāya brahmacariyaṁ carati: ‘imināhaṁ sīlena vā vatena vā tapena vā brahmacariyena vā devo vā bhavissāmi devaññataro vā’ti.
2.5
This being so, their mind doesn’t incline toward keenness, commitment, persistence, and striving.
Yo so, bhikkhave, bhikkhu aññataraṁ devanikāyaṁ paṇidhāya brahmacariyaṁ carati: ‘imināhaṁ sīlena vā vatena vā tapena vā brahmacariyena vā devo vā bhavissāmi devaññataro vā’ti, tassa cittaṁ na namati ātappāya anuyogāya sātaccāya padhānāya.
2.6
This is the fifth emotional shackle.
Yassa cittaṁ na namati ātappāya anuyogāya sātaccāya padhānāya, ayaṁ pañcamo cetasovinibandho.
2.7
These are the five emotional shackles.”
Ime kho, bhikkhave, pañca cetasovinibandhā”ti.
2.8
Chaṭṭhaṁ.