AN 5 The Book of the Fives – Pañcakanipāta > AN 5.159 With Udāyī

Numbered Discourses 5.159 – Aṅguttara Nikāya 5.159

16. The True Teaching – 16. Saddhammavagga

AN 5.159 With Udāyī – Udāyīsutta

1.1

So I have heard.

Evaṁ me sutaṁ—

1.2

At one time the Buddha was staying near Kosambi, in Ghosita’s Monastery.

ekaṁ samayaṁ bhagavā kosambiyaṁ viharati ghositārāme.

1.3

Now, at that time Venerable Udāyī was sitting teaching Dhamma, surrounded by a large assembly of laypeople.

Tena kho pana samayena āyasmā udāyī mahatiyā gihiparisāya parivuto dhammaṁ desento nisinno hoti.

1.4

Seeing this, Venerable Ānanda

Addasā kho āyasmā ānando āyasmantaṁ udāyiṁ mahatiyā gihiparisāya parivutaṁ dhammaṁ desentaṁ nisinnaṁ.

1.5

went up to the Buddha, bowed, sat down to one side, and said to him:

Disvā yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā ānando bhagavantaṁ etadavoca:

1.6

“Sir, Venerable Udāyī is teaching Dhamma, surrounded by a large assembly of laypeople.”

“āyasmā, bhante, udāyī mahatiyā gihiparisāya parivuto dhammaṁ desetī”ti.

2.1

“Ānanda, it’s not easy to teach Dhamma to others.

“Na kho, ānanda, sukaraṁ paresaṁ dhammaṁ desetuṁ.

2.2

You should establish five things in yourself before teaching Dhamma to others.

Paresaṁ, ānanda, dhammaṁ desentena pañca dhamme ajjhattaṁ upaṭṭhāpetvā paresaṁ dhammo desetabbo.

2.3

What five?

Katame pañca?

2.4

You should teach Dhamma to others thinking: ‘I will teach step by step.’ …

‘Anupubbiṁ kathaṁ kathessāmī’ti paresaṁ dhammo desetabbo;

2.5

‘I will teach explaining my methods.’ …

‘pariyāyadassāvī kathaṁ kathessāmī’ti paresaṁ dhammo desetabbo;

2.6

‘I will teach out of kindness.’ …

‘anuddayataṁ paṭicca kathaṁ kathessāmī’ti paresaṁ dhammo desetabbo;

2.7

‘I will not teach while secretly hoping to profit.’ …

‘na āmisantaro kathaṁ kathessāmī’ti paresaṁ dhammo desetabbo;

2.8

‘I will teach without hurting myself or others.’

‘attānañca parañca anupahacca kathaṁ kathessāmī’ti paresaṁ dhammo desetabbo.

2.9

It’s not easy to teach Dhamma to others.

Na kho, ānanda, sukaraṁ paresaṁ dhammaṁ desetuṁ.

2.10

You should establish these five things in yourself before teaching Dhamma to others.”

Paresaṁ, ānanda, dhammaṁ desentena ime pañca dhamme ajjhattaṁ upaṭṭhāpetvā paresaṁ dhammo desetabbo”ti.

2.11

Navamaṁ.