<< Click to Display Table of Contents >> Navigation:  AN 5 The Book of the Fives – Pañcakanipāta > AN 5.72 Freedom of Heart is the Fruit (2nd) – Dutiyacetovimuttiphalasutta

Numbered Discourses 5.72 – Aṅguttara Nikāya 5.72

8. Warriors – 8. Yodhājīvavagga

AN 5.72 Freedom of Heart is the Fruit (2nd) – Dutiyacetovimuttiphalasutta

 

1.1

“Bhikkhū, these five things, when developed and cultivated, have freedom of heart and freedom by wisdom as their fruit and benefit.

“Pañcime, bhikkhave, dhammā bhāvitā bahulīkatā cetovimuttiphalā ca honti cetovimuttiphalānisaṁsā ca, paññāvimuttiphalā ca honti paññāvimuttiphalānisaṁsā ca.

1.2

What five?

Katame pañca?

1.3

The perception of anicca, the perception of suffering in anicca, the perception of not-self in suffering, the perception of giving up, and the perception of fading away.

Aniccasaññā, anicce dukkhasaññā, dukkhe anattasaññā, pahānasaññā, virāgasaññā—

1.4

These five things, when developed and cultivated, have freedom of heart and freedom by wisdom as their fruit and benefit.

ime kho, bhikkhave, pañca dhammā bhāvitā bahulīkatā cetovimuttiphalā ca honti cetovimuttiphalānisaṁsā ca, paññāvimuttiphalā ca honti paññāvimuttiphalānisaṁsā ca.

1.5

When a bhikkhu has freedom of heart and freedom by wisdom,

Yato kho, bhikkhave, bhikkhu cetovimutto ca hoti paññāvimutto ca—

1.6

they’re called a bhikkhu who has lifted up the cross-bar, filled in the trench, and pulled up the pillar; they’re unbarred, a noble one with banner and burden put down, detached. …”

ayaṁ vuccati, bhikkhave, ‘bhikkhu ukkhittapaligho itipi, saṅkiṇṇaparikho itipi, abbūḷhesiko itipi, niraggaḷo itipi, ariyo pannaddhajo pannabhāro visaṁyutto itipi’”.

2.1

 

“Kathañca, bhikkhave, bhikkhu ukkhittapaligho hoti?

2.2

 

Idha, bhikkhave, bhikkhuno avijjā pahīnā hoti ucchinnamūlā tālāvatthukatā anabhāvaṅkatā āyatiṁ anuppādadhammā.

2.3

 

Evaṁ kho, bhikkhave, bhikkhu ukkhittapaligho hoti.

3.1

 

Kathañca, bhikkhave, bhikkhu saṅkiṇṇaparikho hoti?

3.2

 

Idha, bhikkhave, bhikkhuno ponobhaviko jātisaṁsāro pahīno hoti ucchinnamūlo tālāvatthukato anabhāvaṅkato āyatiṁ anuppādadhammo.

3.3

 

Evaṁ kho, bhikkhave, bhikkhu saṅkiṇṇaparikho hoti.

4.1

 

Kathañca, bhikkhave, bhikkhu abbūḷhesiko hoti?

4.2

 

Idha, bhikkhave, bhikkhuno taṇhā pahīnā hoti ucchinnamūlā tālāvatthukatā anabhāvaṅkatā āyatiṁ anuppādadhammā.

4.3

 

Evaṁ kho, bhikkhave, bhikkhu abbūḷhesiko hoti.

5.1

 

Kathañca, bhikkhave, bhikkhu niraggaḷo hoti?

5.2

 

Idha, bhikkhave, bhikkhuno pañcorambhāgiyāni saṁyojanāni pahīnāni honti ucchinnamūlāni tālāvatthukatāni anabhāvaṅkatāni āyatiṁ anuppādadhammāni.

5.3

 

Evaṁ kho, bhikkhave, bhikkhu niraggaḷo hoti.

6.1

 

Kathañca, bhikkhave, bhikkhu ariyo pannaddhajo pannabhāro visaṁyutto hoti?

6.2

 

Idha, bhikkhave, bhikkhuno asmimāno pahīno hoti ucchinnamūlo tālāvatthukato anabhāvaṅkato āyatiṁ anuppādadhammo.

6.3

 

Evaṁ kho, bhikkhave, bhikkhu ariyo pannaddhajo pannabhāro visaṁyutto hotī”ti.

6.4

 

Dutiyaṁ.