<< Click to Display Table of Contents >> Navigation:  AN 4 The Book of the Fours – Catukkanipāta > AN 4.202 Faithless – Assaddhasutta

Numbered Discourses 4.202 – Aṅguttara Nikāya 4.202

21. A Good Person – 21. Sappurisavagga

AN 4.202 Faithless – Assaddhasutta

 

1.1

“Bhikkhū, I will teach you a bad person and a worse person,

“Asappurisañca vo, bhikkhave, desessāmi, asappurisena asappurisatarañca;

1.2

a good person and a better person.

sappurisañca, sappurisena sappurisatarañca. Taṁ suṇātha …pe….

2.1

And what is a bad person?

“Katamo ca, bhikkhave, asappuriso?

2.2

It’s someone who is faithless, shameless, imprudent, with little learning, lazy, unmindful, and witless.

Idha, bhikkhave, ekacco assaddho hoti, ahiriko hoti, anottappī hoti, appassuto hoti, kusīto hoti, muṭṭhassati hoti, duppañño hoti.

2.3

This is called a bad person.

Ayaṁ vuccati, bhikkhave, asappuriso.

3.1

And what is a worse person?

Katamo ca, bhikkhave, asappurisena asappurisataro?

3.2

It’s someone who is faithless, shameless, imprudent, with little learning, lazy, confused, and witless. And they encourage others in these same qualities.

Idha, bhikkhave, ekacco attanā ca assaddho hoti, parañca assaddhiye samādapeti;

3.3

 

attanā ca ahiriko hoti, parañca ahirikatāya samādapeti;

3.4

 

attanā ca anottappī hoti, parañca anottappe samādapeti;

3.5

 

attanā ca appassuto hoti, parañca appassute samādapeti;

3.6

 

attanā ca kusīto hoti, parañca kosajje samādapeti;

3.7

 

attanā ca muṭṭhassati hoti, parañca muṭṭhassacce samādapeti;

3.8

 

attanā ca duppañño hoti, parañca duppaññatāya samādapeti.

3.9

This is called a worse person.

Ayaṁ vuccati, bhikkhave, asappurisena asappurisataro.

4.1

And what is a good person?

Katamo ca, bhikkhave, sappuriso?

4.2

It’s someone who is faithful, conscientious, prudent, learned, energetic, mindful, and wise.

Idha, bhikkhave, ekacco saddho hoti, hirimā hoti, ottappī hoti, bahussuto hoti, āraddhavīriyo hoti, satimā hoti, paññavā hoti.

4.3

This is called a good person.

Ayaṁ vuccati, bhikkhave, sappuriso.

5.1

And what is a better person?

Katamo ca, bhikkhave, sappurisena sappurisataro?

5.2

It’s someone who is personally accomplished in faith, conscience, prudence, learning, energy, mindfulness, and wisdom. And they encourage others in these same qualities.

Idha, bhikkhave, ekacco attanā ca saddhāsampanno hoti, parañca saddhāsampadāya samādapeti;

5.3

 

attanā ca hirimā hoti, parañca hirimatāya samādapeti;

5.4

 

attanā ca ottappī hoti, parañca ottappe samādapeti;

5.5

 

attanā ca bahussuto hoti, parañca bāhusacce samādapeti;

5.6

 

attanā ca āraddhavīriyo hoti, parañca vīriyārambhe samādapeti;

5.7

 

attanā ca upaṭṭhitassati hoti, parañca satiupaṭṭhāne samādapeti;

5.8

 

attanā ca paññāsampanno hoti, parañca paññāsampadāya samādapeti.

5.9

This is called a better person.”

Ayaṁ vuccati, bhikkhave, sappurisena sappurisataro”ti.

5.10

 

Dutiyaṁ.