<< Click to Display Table of Contents >> Navigation:  AN 4 The Book of the Fours – Catukkanipāta > AN 4.135 Blameworthy – Sāvajjasutta

Numbered Discourses 4.135 – Aṅguttara Nikāya 4.135

14. Persons – 14. Puggalavagga

AN 4.135 Blameworthy – Sāvajjasutta

 

1.1

“Bhikkhū, these four people are found in the world.

“Cattārome, bhikkhave, puggalā santo saṁvijjamānā lokasmiṁ.

1.2

What four?

Katame cattāro?

1.3

The blameworthy, the mostly blameworthy, the slightly blameworthy, and the blameless.

Sāvajjo, vajjabahulo, appavajjo, anavajjo.

2.1

And how is a person blameworthy?

Kathañca, bhikkhave, puggalo sāvajjo hoti?

2.2

It’s when a person does things by way of body, speech, and mind that are blameworthy.

Idha, bhikkhave, ekacco puggalo sāvajjena kāyakammena samannāgato hoti, sāvajjena vacīkammena samannāgato hoti, sāvajjena manokammena samannāgato hoti.

2.3

That’s how a person is blameworthy.

Evaṁ kho, bhikkhave, puggalo sāvajjo hoti.

3.1

And how is a person mostly blameworthy?

Kathañca, bhikkhave, puggalo vajjabahulo hoti?

3.2

It’s when a person does things by way of body, speech, and mind that are mostly blameworthy, but occasionally blameless.

Idha, bhikkhave, ekacco puggalo sāvajjena bahulaṁ kāyakammena samannāgato hoti, appaṁ anavajjena;

3.3

 

sāvajjena bahulaṁ vacīkammena samannāgato hoti, appaṁ anavajjena;

3.4

 

sāvajjena bahulaṁ manokammena samannāgato hoti, appaṁ anavajjena.

3.5

That’s how a person is mostly blameworthy.

Evaṁ kho, bhikkhave, puggalo vajjabahulo hoti.

4.1

And how is a person slightly blameworthy?

Kathañca, bhikkhave, puggalo appavajjo hoti?

4.2

It’s when a person does things by way of body, speech, and mind that are mostly blameless, but occasionally blameworthy.

Idha, bhikkhave, ekacco puggalo anavajjena bahulaṁ kāyakammena samannāgato hoti, appaṁ sāvajjena;

4.3

 

anavajjena bahulaṁ vacīkammena samannāgato hoti, appaṁ sāvajjena;

4.4

 

anavajjena bahulaṁ manokammena samannāgato hoti, appaṁ sāvajjena.

4.5

That’s how a person is slightly blameworthy.

Evaṁ kho, bhikkhave, puggalo appavajjo hoti.

5.1

And how is a person blameless?

Kathañca, bhikkhave, puggalo anavajjo hoti?

5.2

It’s when a person does things by way of body, speech, and mind that are blameless.

Idha, bhikkhave, ekacco puggalo anavajjena kāyakammena samannāgato hoti, anavajjena vacīkammena samannāgato hoti, anavajjena manokammena samannāgato hoti.

5.3

That’s how a person is blameless.

Evaṁ kho, bhikkhave, puggalo anavajjo hoti.

5.4

These are the four people found in the world.”

Ime kho, bhikkhave, cattāro puggalā santo saṁvijjamānā lokasmin”ti.

5.5

 

Pañcamaṁ.